ԱՄԱՌԱՅԻՆ ՃԱՄԲԱՐ-ԴՊՐՈՑ
Վայոց ձորի մարզային գրադարանում մեկնարկեց ամառային ճամբար-դպրոցը։
Ճամբար-դպրոցը նախատեսված է զարգացնելու երեխաների ստեղծագործական միտքը, խոսքը, խմբային աշխատանքի կարողությունները և ընթերցանության հանդեպ սերը։
Մեծ էր երեխաների ուրախությունն այսօր։ Նրանք ժպիտով, հետաքրքրությամբ մասնակցեցին ճամբարում անցկացվող բոլոր խաղերին, հրաշալի մասնակցություն ունեցան թե՛ հեքիաթի, թե՛ անգլերենի ժամերին, որոնք անցկացվում էին դիդակտիկ և ուսուցողական նյութերի օգնությամբ։
Մասնակիցները ընկեր Տատյանայի օգնությամբ պատրաստեցին սիրառատ և ժպտերես արև՝ շողերն անվանակոչելով իրենց անուններով։
Մասնակիցները նաև ստացան փոքրիկ նվերներ՝ անվանական փուչիկների տեսքով։
