ԱՆԴՐԱՆԻԿ ՕԶԱՆՅԱՆ
«Աշխարհում չկա մի հայ, որի սիրտը չթրթռա արտասանելով այս պաշտելի անունը՝ Զորավար Անդրանիկ»։
Հակոբ Մանասյան
Հայ զորահրամանատար, պետական գործիչ, ֆիդայապետ Անդրանիկ Թորոսի Օզանյանը՝ Զորավար Անդրանիկը, ծնվել է 1865թ փետրվարի 25-ին, Արևմտյան Հայաստանի Շապին Գարահիսարում։ Առանձնակի դեր է խաղացել Հայ ազատագրական շարժման գործում, մասնակցել է իր հայրենի երկրի բնակավայրերի պաշտպանությանը։
Զորավար Անդրանիկը հայության մեջ երևի թե միակ հերոսական կերպարն է , ով, անկախ անձանց քաղաքական, կրոնական ու այլ իրարից տարանջատող երևույթներից, ընդունելի հեղինակություն և հերոս է ողջ հայության համար։
