ԳՈՀԱՐ ԳԱՍՊԱՐՅԱՆ
«Թռչունները Գոհար Գասպարյանին սովորեցրել են երգել, իսկ նա թռչուններին՝ ծլվլալ»:
Ավ. Իսահակյան
Այսօր հայ մեծագույն երգչուհի, քնարակոլորատուրային սոպրանո Գոհար Գասպարյանի ծննդյան օրն է: Ծնվել է 1924 թ.Կահիրեում: 1948 թ. հայրենադարձվել է Հայաստան և 1949 թ. հանդես եկել որպես Հայաստանի օպերայի և բալետի ազգային ակադեմիական թատրոնի մեներգչուհի: Նրա երգացանկում տեղ են գտել ավելի քան 500 ստեղծագործություններ, հանդես է եկել 23 օպերաների գլխավոր դերերում («Անուշ», «Դավիթ Բեկ», «Ֆաուստ», «Նորմա», «Տրավիատա» և այլն):
Նրա ձայնը թնդացել է աշխարհի տարբեր բեմերում, նա եղել է ֆենոմեն, որը մինչ օրս չի բացահայտվել: