ՆՈՐ ԳՐՔԵՐ
Մեծ սիրով տեղեկացնում ենք, որ Վայոց ձորի մարզային գրադարանը 2026 թվականին ևս միանում է «Կորիզ» կրթական ծրագրի և «Ալեն Մարգարյան» բարեգործական հասարակական կազմակերպության համատեղ նախաձեռնությամբ իրականացվող «Իմ ընկեր Ալենը» ընթերցանության մրցույթին։
Մեր գրադարանի գրական ֆոնդը համալրվեց բարձրարժեք և բազմաբովանդակ հրատարակություններով՝ գործընկեր կազմակերպությունների համագործակցության արդյունքում։
Մեր գործընկերներն են՝
• Կորիզ կրթական ծրագիր
• «Ալեն Մարգարյան» բարեգործական հասարակական կազմակերպություն
• Antares Media Holding
• ԴաՎինչի հրատարակչություն
• Զանգակ գրատուն
Ձեր ցուցաբերած հոգատարությունն ու նվիրումն իսկապես անչափ կարևոր են մեր համայնքի համար։ Նվիրաբերված գրքերը ոչ միայն կհարստացնեն մեր գրադարանի ֆոնդը, այլև կդառնան ոգեշնչման աղբյուր՝ բացելով գիտելիքի, ստեղծագործ մտքի և նոր հեռանկարների դռներ մեր ընթերցողների առջև։
Մեր համոզմամբ՝ կրթությունն ամուր հիմք է ապագայի համար, իսկ ընթերցանությունը՝ այդ հիմքը կառուցելու լավագույն միջոցը։ Յուրաքանչյուր գիրք դառնում է հավատարիմ ուղեկից 
՝ առաջնորդելով դեպի նոր գաղափարներ, երազանքներ և զարգացում։
Գրքի տոնին ընդառաջ մեր խորին երախտագիտությունն ենք հայտնում այս կարևոր նախաձեռնության և գրադարանին ընձեռված արժեքավոր նվերի համար։ Ձեր աջակցությունը նշանակալի ներդրում է ընթերցանության մշակույթի զարգացման և կրթական արժեքների տարածման գործում մեր մարզում։
