ՖՐԱՆՍԵՐԵՆԸ ՀԵՔԻԱԹԻ ԼԵԶՈՒ
#Ֆրանկոֆոնիայի շրջանակներում մեր գրադարան էին այցելել Եղեգնաձորի թիվ 2 հիմնական դպրոցի 5-րդ դասարանի աշակերտները՝ ֆրանսերենի ուսուցչուհի Ս. Կիրակոսյանի ուղեկցությամբ։
Այցը գրադարան ոչ թե սովորական դաս էր, այլ իսկական տոն՝ նվիրված ֆրանսերենի հմայքին և հայ-ֆրանսիական բարեկամությանը։
Միջոցառման մեկնարկը տվեցին հենց աշակերտները։ Նրանք հանդես եկան իրենց իսկ ձեռքերով պատրաստած ֆրանսալեզու գրքերով։ Յուրաքանչյուր էջում դրված էր մեծ սեր, ջանասիրություն և պատանի ստեղծագործողի երևակայություն։ Սա լավագույն ապացույցն էր այն բանի, որ լեզուն սովորելիս երեխաները ոչ միայն յուրացնում են քերականությունը, այլև կերտում են իրենց սեփական աշխարհը։
Ընկեր Լիլիթը երեխաներին տեղափոխեց հեքիաթային մի աշխարհ։ Նրա գեղեցիկ ու տպավորիչ մատուցմամբ հնչեց մի հեքիաթ, որը ոչ միայն լսելի էր, այլև ուսուցանող։ Երեխաների առջև դրված էր հետաքրքիր մարտահրավեր. հեքիաթի միջից գտնել հինգ ֆրանսերեն բառեր, որոնք այնքան հարազատ են դարձել մեզ, որ օգտագործվում են նաև հայերենում։
Գիտեի՞ք, որ մեր ամենօրյա խոսքում օգտագործվող շատ բառեր ունեն ֆրանսիական ծագում։ Աշակերտները մեծ խանդավառությամբ բացահայտեցին լեզվական այս կամուրջները։
Միջոցառումն ամբողջացավ գեղեցիկ երաժշտական կատարումով։ Մեղեդին թևածում էր գրադարանում՝ էլ ավելի ամրապնդելով հայ-ֆրանսիական մշակութային կապերը։
Այս օրը ևս մեկ անգամ հաստատվեց, որ ֆրանսերենը հեքիաթի լեզու է, իսկ գրադարանը՝ այն վայրը, որտեղ այդ հեքիաթները կենդանանում են։
