Շաբաթ, 18 Մայիսի, 2024
Առաջարկում ենք կարդալ

ԹԵ ԿՈՐՑՐԻՔ, ԷԼ ՉԵՔ ԳՏՆԻ

Ջուրը Կրակն ու Պատիվը ընկերանում են, շատ են ման գալիս, շատ բան են տեսնում ու սովորում։

Մի անգամ էլ զրուցելիս ասում են.

— Հանկարծ որ իրար կորցնեք, ո՞նց գտնենք։

Ջուրը թե.

— Որտեղ կանաչ խոտ տեսնեք, ես նրա տակին եմ։

— Հենց որ մի տեղ ծուխ տեսնեք, իմացեք, որ ես էլ նրա տակին եմ, — ասում է Կրակը։

Պատիվը լռում էր։

— Դու՞ ինչի չես խոսում, — հարցնում են ընկերները, — քե՞զ ոնց գտնենք։

— Աշխատեք ինձ չկորցնել, որ կորցրիք, էլ չեք կարող գտնել, — պատասխանում է Պատիվը։

Հայ ժողովրդական առակներ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով