ՎԱՅՈՑ ՁՈՐԻ ՄԱՐԶԱՅԻՆ ԳՐԱԴԱՐԱՆ-2021

Վայոց ձորի մարզային գրադարանի հրաշալի և ստեղծարար թիմային աշխատանքների շնորհիվ 2021 թվականին ստեղծվեց գրադարանային մի ուրույն միջավայր, ուր ողջ տարվա ընթացքում ընթերցողների հաճելիորեն զարմացնող հոսքը, ընթերցանության հանդեպ անհագ սերը, ընթերցողների պահանջարկին համապատասխանող և գեղագիտական ճաշակ ձևավորող գրքերով համալրումը, բազմաբովանդակ և ինքնատիպ միջոցառումները, ուսուցողական և մեր նորարար գրադարանավարների կողմից ստեղծված յուրօրինակ խաղերը, տարբերվող և մեծ հետաքրքրություն առաջացնող ցուցահանդեսները, գրքի և գրադարանի հանդեպ սեր առաջացնող անկրկնելի տեսանյութերը նոր շունչ հաղորդեցին մարզային գրադարանին՝ դարձնելով այն տարածաշրջանի լավագույն կրթամշակութային կենտրոնը։
Վայոց ձորի մարզային գրադարանը սիրով շնորհավորում է գալիք Ամանորն ու Սուրբ ծնունդը։