ՆՈՐԱՐԱՐ ԱՇԽԱՏԱԺՈՂՈՎ-2022

Նոյեմբերի 28-30-ը Ծաղկաձորում անցկացվեց «Նորարար գրադարաններ» ամենամյա 5-րդ աշխատաժողովը, որին մասնակցում էր նաև Վայոց ձորի մարզային գրադարանը։ Այն կազմակերպվել էր ԱՄՆ դեսպանատան հովանավորությամբ։

Աշխատաժողովի նպատակն էր քննարկել թվային տեխնոլոգիաների դարաշրջանում գրադարանային մարտահրավերները, ուսումնասիրել և տարածել գրադարանների լավագույն աշխատանքային փորձը, միջազգային գրադարանային նորությունները:

Եռօրյա աշխաժողովի շրջանակում մասնակից գրադարանների ներկայացուցիչները ներկայացրեցին վերջին տարվա ընթացքում իրենց գրադարանների նորարար նախաձեռնությունները և ծրագրերը:

Վայոց ձորի մարզային գրադարանի նորարար ծրագրերը ներկայացրել է տնօրեն Արփինե Ավագյանը, ով իր զեկույցն սկսել է գրադարանի ստեղծած հեղինակային խաղով, ինչն արժանացել է ներկաների հավանությանը։

Վայոց ձորի մարզային գրադարանը շնորհակալություն է հայտնում աշխատաժողովի կազմակերպիչներին, Հայաստանի ազգային գրադարանի աշխատակից և «Նորարար գրադարաններ» աշխատարանների հիմնադիր Ներսես Հայրապետյանին, Երևանի ամերիկյան անկյան համակարգող Նելլի Խաչատրյանին, Լոռու մարզային գրադարանի ավտոմատացման բաժնի վարիչ Անդրանիկ Հովհաննիսյանին։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով