ՇՆՈՐՀԱՎՈՐ ԳՐԱԴԱՐԱՆԱՎԱՐԻ ՕՐ

Գրադարանները մշտապես իրենց ուրույն տեղ են զբաղեցրել մեր հասարակության մեջ։ Նրանք ավելին են, քան պարզապես գրքերով լցված շենքեր. դրանք ուսման, գիտելիքի, մշակույթի և անցյալի պահապաններն են, ինչպես նաև ապագան կառուցողները։ Եվ յուրաքանչյուր լավ գրադարանի հիմքում կա լավ ԳՐԱԴԱՐԱՆԱՎԱՐ, ում նվիրվածությունն ու ջանքերը կյանք են հաղորդում այս տարածքներին։

Սիրելի՛ գրադարանային ոլորտի նվիրյալներ, Վայոց ձորի մարզային գրադարանը շնորհավորում է բոլորիս՝ մասնագիտական տոնի առթիվ։ Այս հրաշալի օրը առիթ է՝ գնահատելու գրադարանավարների նվիրումն ու ներդրումը գիտելիքի, գրագիտության և ընթերցանության հանդեպ սերը խթանելու գործում։

Շնորհավո՛ր գրադարանավարի օր, և թող ձեր սերը գրքի և ուսման հանդեպ շարունակի աճել, իսկ դուք ապրեք և արարեք խաղաղ և անամպ մեր սիրելի հայրենիքում։