100-ԱՄՅԱ ԳՐԱԴԱՐԱՆՆ ԱՅՍՕՐ
ՀՀ կառավարության 06.06.02 թ. N 886-Ն որոշման համաձայն, 2003 թվականին «Վայոց ձորի հանրապետական գրադարանը» վերակազմավորվեց «Վայոց ձորի մարզային գրադարան» ՊՈԱԿ-ի։
Գրադարանը առանց սահմանափակումների ձևավորում և օգտվողներին է տրամադրում ազգային, արտասահմանյան տպագիր արտադրանքի հավաքածուն, իրականացնում է գրադարանային տեղեկատվական-մատենագիտական աշխատանք, գրադարանից օգտվողներին տրամադրում անհրաժեշտ տեղեկատվություն, ընթերցողներին մատուցում գրադարանային տարբեր բնույթի ծառայություններ, իրականացնում է տպագիր արտադրանքի հավաքածուի համալրում` ձեռքբերումների, նվիրաբերումների, գնման, փոխանակումների միջոցով։
Վայոց ձորի մարզային գրադարանը կազմված է հետևյալ կառուցվածքային ստորաբաժանումներից՝ տնօրենություն, հաշվապահություն, համալրման, մշակման, գրադարանային գործի ավտոմատացման և առցանց աշխատանքների համակարգման բաժին, սպասարկման և գրադարանային հավաքածուի պահպանման բաժին, մանկական բաժին, տնտեսական բաժին։
ՀԱՄԼՐՄԱՆ, ՄՇԱԿՄԱՆ, ԳՐԱԴԱՐԱՆԱՅԻՆ ԳՈՐԾԻ ԱՎՏՈՄԱՏԱՑՄԱՆ ԵՎ ԱՌՑԱՆՑ ԱՇԽԱՏԱՆՔՆԵՐԻ ԿԱԶՄԱԿԵՐՊՄԱՆ ԲԱԺԻՆ
Վայոց ձորի մարզային գրադարանի վերոնշյալ բաժինը
կազմակերպում և կատարում է գրադարանային հավաքածուի համալրման, տեխնիկական ու մատենագիտական մշակման աշխատանքները,
վարում է ֆոնդի հաշվառման, գրանցման, մուտքի ու ելքի փաստաթղթերը, գումարային և առանձնակի հաշվառման մատյանները,
ստեղծում է գրադարանային հավաքածուի էլեկտրոնային շտմարան,
կատարում է գրքային ֆոնդի մուտքագրում ԿՈՀԱ համակարգ և մամուլի թվայնացման աշխատանքներ,
կազմակերպում և ղեկավարում է առցանց աշխատանքները, պատրաստում յուրօրինակ տեսանյութեր։
Նկարում բաժնի աշխատակիցներն են՝ աշխատանքի պահին։
Բաժնի վարիչ Սուսան Խաչատրյան, գլխավոր գրադարանավար Նարինե Ավետիսյան, առաջին կարգի գրադարանավար Քրիստինե Հովսեփյան, գրադարանավար-օպերատոր Մարիամ Աբրահամյան։
ՍՊԱՍԱՐԿՄԱՆ ԵՎ ԳՐԱԴԱՐԱՆԱՅԻՆ ՀԱՎԱՔԱԾՈՒԻ ՊԱՀՊԱՆՄԱՆ ԲԱԺԻՆ
Սպասարկման և գրադարանային հավաքածուի պահպանման բաժինը սիրով ու ժպիտով միշտ սպասում է իր սիրելի ընթերցողներին։ Այն նաև
Ապահովում է ընթերցողներին անհրաժեշտ գրականության ընտրությունը և արագ սպասարկումը,
Կատարում է աշխատանք գրքային ֆոնդի հետ, վերահսկում է գրքերի վերադարձման ժամկետները, հաշվառում է ընթերցողների կողմից մերժված, ինչպես նաև անհրաժեշտ գրականությունը և դրանց հիման վրա կազմում նոր գրքերի ձեռքբերման ցանկեր։
Աշխատանք է տանում այբբենական և կարգային գրացուցակների հետ, իրականացնում ոչ պիտանի գրականության օտարում։
Իրականացնում է մատենագիտական սպասարկում՝ թեմատիկ, երկրագիտական քարտարանների կազմում,
Ընթերցասրահում ընթերցողների համար ապահովում է անձեռնմխելի գրականության, օրաթերթերի, ամսագրերի տրամադրում և համացանցից օգտվելու հնարավորություն։
Կազմակերպում է գրական գեղարվեստական, գրական երաժշտական ցերեկույթներ, գրքի քննարկումներ, շնորհանդեսներ, ընթերցողական կոնֆերանսներ, հանդիպումներ, պոեզիայի ժամեր։
Նկարում բաժնի աշխատակիցներն են՝ բաժնի վարիչ Վարդ Շահբազյան, մատենագետ Գայանե Հարությունյան, գրադարանավարներ Արմենուհի Սահակյան, Սոֆյա Ներսիսյան և Ֆեդուրա Գասպարյան։
Վայոց ձորի մարզային գրադարանը, լինելով տարածաշրջանի կարևորագույն կրթամշակութային, տեղեկատվական խոշոր հաստատություններից մեկը, մշտապես աչքի է ընկնում իր ակտիվ, եռանդուն ու արդյունավետ գործունեությամբ։ Մեր գրադարանն ամեն օր ամեն ժամ արարում, ստեղծում ու ստեղծագործում և կյանքի է կոչում բազում նորարար մտքեր ու գաղափարներ, և անհամեստություն չթվա, բայց այդ ամենն իրականացնում է ամենաակտիվ, ամենանորարար, ամենակրեատիվ, ամենակենսուրախ գրադարանային թիմը, որի գլուխ կանգնած է ամենա-ամենա մարդ, ընկեր, մտերիմ և վերջապես տնօրեն
Арпине Авагян -ը։
Վայոց ձորի մարզային գրադարանն աշխատում և շարունակելու է աշխատել նույն ոգով ու աշխատասիրությամբ, մեր աշխատանքը լինելու է հարատև, մշտապես կանգուն, մշակութային նոր անցուդարձերով հարուստ, կրթական մի շարք նորարար ծրագրերով հագեցած, ու այս հրաշալի ԹԻՄԸ աշխատելու է ամենայն պատասխանատվությամբ։