ՈՒԻԼՅԱՄ ՇԵՔՍՊԻՐ-460

Անգլիացի բանաստեղծ, դրամատուրգ, դերասան Ուիլյամ Շեքսպիրը հսկայական ներդրում է ունեցել ոչ միայն անգլիական, այլև համաշխարհային գրականության մեջ՝ 154 սոնետ, 39 պիես, հրաշալի բանաստեղծություններ և այսպես շարունակ։ Նրա պիեսները մինչ օրս բեմադրվում են, իսկ ստեղծագործությունները թարգմանվել են գրեթե բոլոր կենդանի լեզուներով։ Նա գրել է և՛ կատակերգություններ, և՛ ողբերգություններ, իսկ որոշ պիեսներ հիմնված են պատմական իրադարձությունների վրա։ Նրա ստեղծագործական ազդեցությունը կարելի է տեսնել գրականության և մշակույթի վրա ամբողջ աշխարհում: