ԷԴՎԱՐԴ ՄԻԼԻՏՈՆՅԱՆ-71

Հայ գրող, նկարիչ Էդվարդ Միլիտոնյանը ծնվել է 1952 թ. Երևանում: 1974 թ. ավարտել է Երևանի պետական համալսարանի բանասիրական ֆակուլտետը: Աշխատել է «Պիոներ», «Ծիծեռնակ», «Գարուն» ամսագրերում: Հայաստանի գրողների միության անդամ է 1977 թվականից: Եղել է ՀՀ տեղեկատվության և գրահրատարակչության վարչության պետի առաջին տեղակալ, ապա վարչության պետ, Հայաստանի ռադիոյի տնօրեն, ՀՀ պաշտպանության նախարարության լրատվության և քարոզչության վարչության պետ: 2013 թվականից Հայաստանի գրողների միության նախագահն է։