ՀԱՎԱՍԱՐՈՒԹՅՈՒՆԸ ՈՒԺ Է
Ֆեմինիզմ թեմայով նախագծային աշխատանքի շրջանակում Եղեգնաձորի վարժարան-ի 10-րդ դասարանի աշակերտները, հասարակագիտության ուսուցչուհի Լ. Ներսիսյանի ուղեկցությամբ, այցելեցին գրադարան։
Այցի ընթացքում աշակերտները անցկացրեցին սոցիոլոգիական հարցում՝ ուսումնասիրելով տղա և աղջիկ ընթերցողների հարաբերակցությեւնը, ինչպես նաև պարզելով, թե գրադարանում որքանով են առկա տվյալ թեմային համապատասխան գրքեր։
Հարցման արդյունքները ցույց տվեցին, որ ընթերցողների մեծ մասը կարևորում է կանանց և տղամարդկանց հավասար իրավունքները, սակայն շատերը նշեցին, որ անհրաժեշտ է ավելի մեծ ուշադրություն դարձնել այս թեմայով գրականության համալրմանը։
Գրադարանի աշխատակիցները ներկայացրին առկա գրքերը, ինչպես նաև ընդգծեցին, որ մշտապես ձգտում են հարստացնել գրադարանը ժամանակակից և արդիական թեմաներով գրականությամբ։
Հանդիպումը դարձավ հետաքրքիր փորձառություն՝ միավորելով հետազոտությունը, քննարկումը և սովորելու ցանկությունը։
